Unit 5

Dialogue 1（CD1﹣52）

Chan Syut Wai: 請問你係點樣㗎？
John: 我戴眼鏡， 幾高。
Chan Syut Wai: 咁，你肥定瘦呀？
John: 我唔係好肥， 唔係好瘦。 咁你呢？ 你係點樣㗎？
Chan Syut Wai: 我係一個短頭髮嘅女仔， 瘦瘦哋， 唔係幾高。
John: 咁你有冇戴眼鏡呀？
Chan Syut Wai: 冇， 我冇帶眼鏡。

Dialogue 2（CD1﹣54）

John: Carmen, 邊個係唐老師呀？
Carmen: 呢！嗰邊好高，瘦瘦哋， 帶眼鏡嗰個就係唐老師嘞。
John: 嗰邊高高瘦瘦， 戴眼鏡，短頭髮， 幾靚仔嗰個就係唐老師呀？
Carmen: 係嘞。 咁，你個廣東話老師林太呢？佢喺邊度呀？
John: 呢！ 嗰邊長頭髮， 冇戴眼鏡， 幾靚嗰個就係林太嘞。
Carmen: 係唔係矮矮哋嗰個呀？
John: 係嘞。
Carmen: 佢好後生喎。
John: 係呀。 佢二十七歲咋。

Dialogue 3（CD1﹣58）

Emily: 呢四個就係我啲屋企人嘞。
John: 呢個係唔係你爸爸呀？
Emily: 係嘞。呢個就係我爸爸嘞。 隔籬呢個係我媽媽。 我爸爸同媽媽都係四十九歲。
John: 佢哋四十九歲嗱？佢哋個樣好後生喎。
Emily: 係嘞。 隔籬個嗰兩個就係我個細佬同我個妹妹嘞。 我細佬今年十二歲。 我個妹今年十一歲。